என்னுடைய வெப்சைட்டின் பக்கத்தை திறந்து படியுங்கள். என்னுடைய அனைத்து போஸ்டுகளும் இங்கே காட்டப்பட்டுள்ளது. அதைப் படித்துவிட்டு என்னை ஊக்கப்படுத்துமாறு கேட்டுக்கொள்கிறேன். உங்களின் ஆதரவோடு மேலும் எழுத எனக்கு ஊக்கமாக இருக்கும்.
தற்போது எல்லா பள்ளிகளிலும் ஸ்டுடென்ட் கவுன்சில் எலக்சன் என்ற பெயரில் மாதிரி தேர்தலை நடத்துகிறார்கள். மாணவர்கள் அதில் போட்டியிடுகிறார்கள். அதனை பற்றிய ஒரு சிறு கட்டுரையை இங்கே பதிவிட்டுள்ளேன்
மாணவர் குரல், பள்ளியின் எதிர்காலம்.
எப்போதும் பசுமை வித்யாஷ்ரம் சிபிஎஸ்இ மேல்நிலைப் பள்ளியில் இன்று கோலாகலமாக நடைபெறவுள்ள மாணவர் கவுன்சில் தேர்தல், ஒரு சாதாரண மாணவர் வாக்குப்பதிவு நிகழ்வாக மட்டும் பார்க்காமல், அது மாணவர் வாழ்க்கையின் நன்மதிப்புகள், சிறந்த தலைமைத்துவம், நல்பொறுப்புணர்வு, சிறந்த ஒற்றுமை ஆகியவற்றை வெளிப்படுத்தும் ஒரு முக்கியமான திருநாள்.
இன்று நடைபெறவுள்ள இந்தத் தேர்தல், பள்ளி வளாகத்தையே ஒரு ஜனநாயகக் கொண்டாட்டமாக மாற்ற ஒரு மாபெரும் முயற்சி. மாணவர்கள் தங்களின் விருப்பப்படி பிரதிநிதிகளைத் தாங்களே தேர்ந்தெடுக்கும் இந்த நாள், “பள்ளியில் எங்கள் குரல் கேட்கப்பட வேண்டும்” என்ற நம்பிக்கையை மெய்ப்பிக்கிறது.
ஒரு சிறந்த பள்ளி என்பது வெறுமனே பாடங்களை மட்டும் கற்றுக்கொடுக்கும் இடமாக இருக்கக்கூடாது; அது வாழ்க்கையைப் புரிந்துகொள்ளும் கல்விச்சாலையாக அமைவது சிறப்பு. அங்கே ஒவ்வொரு மாணவரும் தன் தனித்துவமிக்க திறமையை வெளிப்படுத்தவும், பிறரை மதிக்கவும், கூட்டாக, குழுவாக செயல்படவும் கற்றுக்கொள்கிறார்கள். அதற்கான சிறந்த எடுத்துக்காட்டாக இந்த மாணவர் கவுன்சில் தேர்தல் அமைகிறது.
இந்தத் தேர்தலில் போட்டியிடும் மாணவர்கள், தங்கள் தைரியம், எண்ணம், நன்னடத்தை, பொறுப்புணர்வு ஆகியவற்றை முன்வைத்து மாணவ மாணவியர்களின் முழு நம்பிக்கையைப் பெற முயல்கிறார்கள். அந்த முயற்சியே ஒரு நல்ல தலைவனின் முதல் அடையாளம் ஆகும்.
இந்த ஆண்டு நடைபெறும் தேர்தலில் Student Voice Party, Student Backbone Party, Helping Hands Party ஆகிய குழுக்கள் தங்களது தனித்துவமான பார்வை மற்றும் சேவையுணர்வை வெளிப்படுத்துகின்றன. ஒவ்வொரு அணியும் மாணவர்களின் பிரச்சினைகளை உணர்ந்து, அவர்களுக்கு உதவும் வழிகளை முன்வைப்பது மிகவும் சிறப்பு. கல்வி, ஒழுக்கம், ஒத்துழைப்பு, மாணவர் நலன், பள்ளி ஒழுங்கு, நிகழ்ச்சிகளின் சிறப்பான ஒருங்கிணைப்பு போன்ற துறைகளில் புதுமையான சிந்தனைகள் கொண்டுவரும் ஆற்றல் இவர்களிடம் இருப்பது மிகவும் மகிழ்ச்சியளிக்கிறது. தேர்தல் சின்னங்கள் மற்றும் வண்ணமயமான பிரச்சாரப் போஸ்டர்கள் கண்ணை கவர்ந்தாலும், அதற்குள் இருக்கும் உண்மையான பொருள் மாணவர்களின் சேவை மனப்பான்மைதான் என்பது நிஜம்.
மேலும், இந்தத் தேர்தல் மூலம் மாணவர்கள் தங்களின் வெற்றியை மட்டுமே இலக்காகக் கொள்ளாமல், பங்கேற்பை ஒரு பொறுப்பாக உணர்கிறார்கள். ஓட்டுப்பதிவு என்பது வெறும் விருப்பத் தேர்வு அல்ல; அது நல்ல எதிர்காலத்தை உருவாக்கும் முடிவு. அளிக்கும் ஒவ்வொரு ஓட்டும் ஒரு நம்பிக்கை, ஒரு ஆதரவு, ஒரு பார்வை. அந்த ஒரு வாக்கு, பள்ளியின் நாளைய முகத்தை மாற்றும் சக்தி கொண்டது என்பதை மாணவர்கள் உணர்கிறார்கள். அதனால் தான் “உங்கள் வாக்கு, உங்கள் குரல்” என்ற கருத்து இத்தேர்தலின் முக்கியமாகத் திகழ்கிறது.
இந்தத் தேர்தலின் சிறப்பு, அது வெளிப்படுத்தும் ஜனநாயக மரபும், மாணவர்களிடையே உருவாகும் நல்ல பொறுப்புணர்வும் தான் என்பதில் ஐயமில்லை. ஒருவரைத் தேர்ந்தெடுப்பது என்றால், அவர் மீது நம்பிக்கை வைப்பது; நம்பிக்கையை அவர் செயலில் மாற்றிக்காட்ட வேண்டும். தேர்ந்தெடுக்கப்படும் மாணவர் தலைவர்கள், அனைத்து மாணவர்களுக்கும் சமமாகக் கேட்கும் செவி, உதவும் கைகள், வழிநடத்தும் மனம் கொண்டவர்களாக செயல்படவேண்டும். அப்போதுதான் மாணவர் கவுன்சில் முழுமையான அர்த்தம் பெறும்.
இந்தத் தேர்தல், ஒரு வெற்றியாளரை மட்டும் உருவாக்காது; அது நல்ல குடிமகனாக வளர வேண்டிய பயிற்சியையும் தரும். மாணவர்கள் ஒருவரை ஒருவர் மதித்து, கருத்துகளை பகிர்ந்து, ஒழுங்காக வாக்களித்து, நேர்மையாக நடந்து கொள்ளும் போது பள்ளி வாழ்வு இன்னும் அழகான நினைவுகளில் ஒன்றாக மாறுகிறது. இதுவே உண்மையான கல்வியின் மிகப்பெரிய வெற்றி.
ஆகவே, மாணவர் கவுன்சில் தேர்தல் 2026 என்பது ஒரு நாள் நிகழ்வு அல்ல; அது மாணவர் சமூகத்தின் ஒற்றுமை, தலைமை, பொறுப்பு மற்றும் எதிர்காலக் கனவுகளை இணைக்கும் ஒரு அழகான கல்விப் பயணம். இன்றைய வாக்கு, நாளைய பள்ளியின் பேரொளியாக மாறட்டும்.
சிறப்பாக செயல்பட உதவும் பள்ளி நிர்வாகத்திற்கும், அருமையாக கிரேட்டிவ் ஐடியாக்களை கொடுத்து வழிநடத்தும் சீனியர் பிரின்சிபால், பிரின்சிபால், அனைத்து ஒருங்கிணைப்பாளர்கள், இருபால் ஆசிரியர்கள், அனைத்து மாணவ மாணவியர்களுக்கும் என் வாழ்த்துக்களும் பாராட்டுக்களும்.
உங்கள் வாக்கு — உங்கள் குரல்.
உங்கள் குரல் — எங்கள் எதிர்காலம்.
By
அ. சகாய ஜான் சேவியர்
My Social media pages
Here I have shared my Social media platforms . Use the buttons to reach out my posts and articles.
அமேசான் affiliate link 🔗